هانية نعماني

صيدا اليوم مع صبحيّة إم أحمد . وما بتخلى الصبحيه بدون فنجان الأهوي. إم أحمد، كل يوم الصبح بتجمع الجيران والأصحاب ليشربو لأهوي سوى.
قبل الصبحيه إم أحمد عند واجبات اتجاه  البيت، من تحضير فطور للزوج و للأولاد قبل ما يروحو على المدارس و زوج على شغلو. من بعد ، بتبلش تلفونات إم أحمد للجيران وللأصحاب. " يلا يا إم حسام الأهوي على نار "، "شو  يا إم ايلي ما بدك تكوني معنا صبحيه حلوة ليوم، وفي أخبار جديدة و طازة بتعجبك".  من بعد نص ساعة إتصالات ، تجمّع لكل ومن بينتون إم حسن ،و إم آدم،و إم علي, وما بقي إلا إم سامي. رجعت إم أحمد دقة لإم سامي وقالتلا: " يا إم خبار وينك لكل تجمع وما حلوة لأعدي بلاكي".  كتملت صبحيه وبلشت نميمة، والله ما يعلق حدا بلسان النسوان بس يجتمعو .
إم سامي ، خبريون عن لموضوع لخبرتني ياه مبارح. الكل سكت وفتح دينه، ناطرين لخبريّه... ومتل ما بتعرفو  بس تبلّش نميمة يعني صار في رشّة بهار وملح . والله يستر الشخص لنحكى عنو.
بلّشت إم سامي،" عرفتو إنو أبو رامي عم يضهر على مرتو ؟ ولمسكيني إم رامي ما دريني بشي، ومن طيبطا بتصدؤ بس يتأخر. وذا سألوها بتقول < مأخّار بشغل أو بل أهوي مع أصحابو عمب يلعب ورق >". بترد إم ايلي :" اه صح، عم تحكه يا إم سامي، أنا شفتو من أسبوع بسيّارة معو وحده ببيروت، وراسا على كتفو ". بتدخل إم أحمد عل خط وبت قول :" معك خبر يا إم ايلي بهيك موضوع وما بتخبرينا ، يا عيب شوم ".
ولمهضوم ، بس ندأ لباب!!؟؟ لكل سكت ليعرفو مين... فتحت إم أحمد لباب ، وتفاجئت ! بتركض لعند أصحابة،" سكتو ، هيدي إم رامي اجت تعمل صبحيّه معنا.  إم حسام بتضحك ، وقالت راحت عليكن الخبريّه وما عرفتو  تفاصيل. بس في شي حلو ، إنو إم رامي بتعرف تقرأ الفنجان. بتفوت إم رامي و ببلشو يأهلو ويسهلو  فيا وكأنو شيأن لم يكن، وما كأنو نحكى عنا. " حدا بئلّك نسوان " .