خليل المتبولي : تشويش : ما رح تمرق ... السيارة !
التصنيف: ثقافة
2022-01-04 02:30 م 760
- شوباك وقفت ؟
- إنتَ شو باك ؟ هاي طريقي
- لأ ، هاي طريقي أنا ، وزيح من طريقي خلّيني كمّل ...
- لأ، ما حزرت ، الطريق طريقي ، وأنا يللي بدّي مر .
- هيأتك مُرْ زيادة عن اللزوم ، ومّرْمَرْ عيشتنا .
- صرت أنا يللّي مّرْمَرْ العيشة ، شوف حبيبي أنا ما رح إرجع ، وباقي بمكاني ، لأنّو هيدا حقي .
- وحقي كمان ، والأرض يللي واقف عليها هاي أرضي .
- وأرضي كمان ، مش من حقك تدّعي وتخلق أعذار ، هيدي الأرض للجميع .
- الأرض للجميع ، وأنا قبلك هون عليها ...
- لأ ، أنا قبلك ، ووصلت قبلك .
- شو هوي يللي بيوصل قبل ؟!؟ هوي يللّي حضورو وكيانو قبل . سماع من الآخر مَرْقا ما رح تمرق .
- بدّي أمرق .
- ما رح تمرق ، أو بكسرلك سيارتك .
- استرجي قرّب ع سيارتي .
- ليك ، ما تهدّد .
- ما عم هدّد ، بس بدّي دافع عن سيارتي .
- حقّك تدافع عنها وتحميها كمان ، بس ما رح تمرق .
- في كرامتي قدّام الناس ، وكرامة سيارتي .
- كرامتك ع راسنا ، وكرمال كرامة سيارتك ، ودفاعًا عنها مش رح تمرق .
- بدّي أمرق ، وما تاخدني بالعواطف .
- بدي ذَكْرَك إذا كنت ناسي ، أنّو أنتَ يللي خرّب بوجياتها كرمال تعطّلها وتبطّل تشتغل .
- لأ حبيبي مش أنا ، إذا بتذكر أنتَ خربتلي الكاربيراتور بالأوّل .
- وأنتَ يللّي نَفّست دواليبك حتى ما تقدر تمشي .
- هلأ من الآخر ، بدّي أمرق .
- ما رح تمرق ، ورجاع لورا .
- ما عدت قادر إرجع ، ورايي سيارات وناس .
- وأنا كمان ورايي سيارات وناس .
- والحل ؟
- بإيدك .
- لأ ، بإيدك أنتَ ...
( لا زال الإختلاف والخلاف قائمًا ، وما رح تمرق عالقة بين الإثنين معًا )
أخبار ذات صلة
صيدا تحتفل بحلول الشهر الكريم بمسيرة لطلبة مساجدها ودورها القرآنية
2026-02-25 12:54 م 216
الدبكة اللبنانية صيدا 1962 من استطلاع مجلة "العربي"
2026-02-07 03:45 م 162
قهوتنا بالملجأ" … مسرح صيداوي يصرخ بوجع الوطن ويضحك بمرارة الواقع - بقلم : لينا مياسي
2026-02-01 08:02 م 170
كامل :جذور في القيم ... وبذور في الأجيال كشافة الفاروق في يوبيلها الماسي
2026-01-24 10:54 ص 347
إعلانات
إعلانات متنوعة
صيدا نت على الفايسبوك
الوكالة الوطنية للاعلام
انقر على الزر أدناه لزيارة موقع وكالة الأنباء الوطنية:
زيارة الموقع الإلكترونيتابعنا
بالفديو اثار القصف في مبنى جمعية المقاصد الخيرية الإسلامية في صيدا
2026-03-07 12:16 م
رمضان في ساحة النجمة… فانوس البلدية بين الإشادة وعتب المتبرعين
2026-02-18 05:57 ص
تحليل المشهد الانتخابي في صيدا بعد خطاب دولة سعد الحريري
2026-02-14 09:42 م
٤٥ عاماً في مهنة الإعلام… شهادة حق من صيدا نت : لم يُهدر دمي من هؤلاء بمدينة
