هلال حبلي: صيدا نت

بالأمس عندما شاهدنا الاجتماعات التي عقدت في بيوت النواب و الاحزاب ، شفنا الضحك على أبناء المدينة، بقولوا من شهر بدنا بلدية ما فيها محاصصة وحصص، وانحكى على المنابر و التصريحات حتى صار جمهور الأحزاب يرددها.. طيب يا أبناء المدينة هني قالوا هذا الكلام، إذا كان هذا شعاركم لماذا اجتمعتم وقلتم: خلينا ننتظر من هلق لحتى يسكر باب الترشح ونلاقي واحد ونتفق عليه.

يا أبناء المدينة هؤلاء السياسيين عمرهم ما اتفقوا على شيء معين، وإذا بدنا نفتح خلفياتهم بنفتح لهم مجلدات، وكل نائب ومسؤول حزب ينكس بزميله، حتى ما يأخذ شعبيه فيه.. فهمتوا المواطن وقلتم ما راح تتدخلوا ثم تقولون راح تتدخلوا، يعني المواطنين في صيدا ما بيفهموا..

خلينا نستعرض الأسماء في صيدا، لأن المسؤولين محشورين بالطريق، من ماذا يشكي الدكتور حازم بديع؟ عمل في البلدية ونجح ولم يخطئ وشال أهم ملف: نزوح أهالي الجنوب وشال ملف النفايات وغيرها، ومحمد دندشلي مقاول شاطر وينتقد وقت النقد، وحقه ينتقد، وعمر مرجان صيدلي وابن عيلة وعنده طموح يطور المدينة، نادر عزام أيضاً مقاول وبيفهم وعنده رؤية للمدينة يقودها، عمر دندشلي مهندس كويس وابن ناس وابن عيلة، كمان عنده رؤية ونشيط بالعمل الاجتماعي، حمزة حجازي شاب ويشغل العشرات من أبناء صيدا و عندو طموح تطوير المدينة .

انتم يا سياسيين بدل ما امبارح تطلعوا بيانات أنه بدكم تجيبوا واحد وتتفقوا عليه وتجنبوا المدينة معركة، قولو بدكم حصة بالمجلس البلدي ومش قادرين تقولوها، لأنكم قلتم شعارات أنتم لستم قدها. 

ليه هلق اختلفتم قبل الانتخابات بأسبوع، رحوا شوفوا المرشحين وأطلبوا حصة، 

ما راح يقولوا لكم لا، لأنه إذا ما إلكم حصة بتدمروه للمجلس البلدي.

لما بدكم تزيحوا واحد من أمامكم بتحاربوه و بتنسوا اعمالو الطيبة حتى لو أضاء لكم ١٠ أصابع . 

أنتم يا سياسيين إذا ما بدكم حصة، خذوا إجازة وسافروا لأي بلد، وخلوا الناس تعبر عن رأيها،

 لما أجه المهندس محمد السعودي أول عهد اشتغل منيح، وثاني عهد خليتوه يستقيل، وحكوا عليه إنه فشل، وبالأخير بتعملوا عزومة وبتقعدوا مع بعض، إذا ما رد عليكم فهذا حقه، وللأسف هل الشي حصل اي حصل .

حتى بعد ما ترك السعودي اختلفوا حول معالجة أزمة النفايات، ولم تجدوا سوى الجمعيات للقيام بكنس الطرقات.. حداً منكم يا سياسيين وأحزاب مد يده على جيبه؟ ابدا!! لذلك لا نكذب على أبناء المدينة بأنكم لا تريدون المحاصصة.

يا أبناء المدينة جاءت شركة cityblue على صيدا، المهندس محمد دنش حكي الرئيس بري الذي حكي مجلس الإنماء والإعمار وجاءت الشركة، معكم خبرها، ولما كان في أزمة نفايات في شرق صيدا، لم يستطع أي نائب أن يفرض على البلديات يشيل النفايات من أمام بيوت الصيداويين، ولم يعترض النواب والأحزاب على جلب النفايات إلى صيدا حت الان .

صوتكم مخنوق يا سياسيين، صار بدكم اختصاصيين، و بدكم حصة، لأنه رأيتم أن المسبحة عم تفرط من إيدكم، لأنكم محشورين بالانتخابات النيابية إن تم دعم لائحة وفشلت بتسخرو..

شيلوا إيدكم عن الانتخابات البلدية، وهنئوا من ينجح، أو اختاروا واحد من المرشحين، وقسموا الجبنة كما تشاؤون.

ولكن لا تتدخلوا بعمل المجلس البلدي،

أنتم غير قدرين على مخالفات عربيات الخضرة أو البسطات أمام المحال، مش قادرين تشيلوها، كل واحد عنده مرجعية، بدنا نذكركم بموتيرات الكهرباء، والدراجات النارية، كل ما حدا انحبس بيطلع بتلفون.. وظبوطة الدراجات النارية بالملايين، لأنكم أنتم السبب لأنكم تدخلتم مع الامن، ابعدوا إيديكم عن عمل المجلس البلدي، أو اختاروا واحد من رؤساء اللوائح المرشحة، أو اجمعوهم بلائحة واحدة،

 ولكنكم غير قادرين، إذا انتوا ما قادرين تجتمعوا مع بعض وكانت اللقاءات منفردة، أنتم ما بتحبوا بعض، وباللقاءات والعزائم بتقعدوا مع بعض وبتضحكوا على الناس.

هذا رأي الناس عم ننلقه في صيدا نت، يا أبناء صيدا اختاروا من تريدون لأن المعركة صارت شغالة وما حداً راح ينسحب.

صدق الصديق المحامي حسن لما قال لي يتفقون على لم الشمل وبيتفرقوا على الحصص..