هلال حبلي صيدا نت 

فعلاً بيحتار المرء شو بدو يكتب عن شركة اي بي سي  المشغلة معمل الموت … شو هالكرم؟ شو هالأخلاق  شو هالرضى من الدولة؟ 
الشركة المشغلة معمل الموت ، ب الوثائق من مقرات محضر المجلس
عم تتكرّم عليها الدولة اللبنانية بتجديد العقد، وبتسمح لها إدخال طن النفايات على المعمل بقيمة 95 دولار! يا دولتنا المصونة، وإنتِ غارقة في الديون و عارفة، وكل أجهزتك من الوزارات، وكل الناس و المسؤولين في مدينة صيدا، إنو هالشركة ما عم تعالج، بل عم ترمي بأرض البلدية وأرض المعمل… ومع هيك عم تعطوها ملايين الدولارات!
والله نيالك يا شيخ صالح السريع، رئيس مجلس الإدارة، ونيالكم يا أعضاء المجلس، ونيالك يا أستاذ أحمد السيد، مدير المعمل… ملايين الدولارات عم تنزل عندكم! بالقانون وبرضا الرئيس نواف سلام ، وكمكافأة من مجلس الوزراء و الله يانواب صيدا د اسامة سعد و د عبد الرحمن البزري يا خساره و حسرة عليكم اثناء مرافقه الرئيس سلام مع الوزراء إلى المعمل و رفع صوتكم ضده.
يا استاذ احمد السيد لما قلنا إنكم أقوى من الدولة، ما كنا عم نبالغ… لأن ببساطة، اللي عم بصير بيأكد هالشي.
بتعرفوا ليش صرتوا أقوى من الدولة؟ لأنو في هدايا عم تتوزع، وفي “فرش مصاري” عم تمشي، لحتى يمرّ هالعقد بمجلس الوزراء، وعلى حساب أبناء المدينة!
وبعد ما نحكي عن التلوث، وتراكم النفايات، والكلفة البيئية والصحية… هيدا المعمل كسر هيبة الاتحاد، وهيبة كل المسؤولين عن المدينة.
لأنو الحقيقة أوضح: 95 طن دخول ٢٥٠ طن × ١٢ شهر الملايين من الدولارات عم تندفع من مال الدولة!
فكّروا فيها منيح…
وأنا برأيي: اللي ما عم يستفيد من هالمنظومة، يروح يدق الباب المعمل يمكن يصير إلو حصّة!