جريدة صيدا نت - في الذكرى !

في الذكرى ! - خليل المتبولي

التصنيف: أقلام

2015-04-13 12:44 م 732

كل مقال يعبّر عن رأي كاتبه، ولا يمثّل بأي شكل من الأشكال سياسة الموقع.

الأول : أنت أي مواليد ؟
الثاني : 1975
الأول : إيمتى يعني بالتحديد
الثاني : 13 نيسان وعلى ما أعتقد الضهر
الأول : آه ، والله ؟!
الثاني : إيه ليش عم تسألني ؟
الأول : لأ ، ولا شي .. أنت ما بيعنيلك شي يوم ميلادك ؟
الثاني : شو بدو يعنيلي مثلاً؟!؟
الأول : ولا بذكرك بشي ؟
الثاني : مبلى، كل سنة بعيد ميلادي الناس ما بعيدوني بس بقولولي تنذكر وما
تنعاد ...
الأول : فإذاً ... كل سنة وأنت تنذكر وما تنعاد !...
الأول : ألوو
الثاني : ألو .. إيه مين ؟
الأول : شو باك صوتك غميق ؟!
الثاني : عم باكل
الأول : شو عم تتمسوك ع الريق ؟ شو عم تاكل عالصبح ؟
الثاني : رمانة
الأول : شوووو ؟
الثاني : رمانة ، بس القلوب مليانة
الأول : حامضة أو حلوة ؟
الثاني : حامضة متل هالأيام
الأول : قلك شي يا صديقي
الثاني : شو؟ قول
الأول : بلالك هيي هالرمانة وخصوصاً اليوم
الثاني : وليش بقا ؟
الأول : لأنو هالرمانة بالزمانات عملت العمايل، فما بدنا ياها تتكرر
الثاني : أهه ... هيّاها ... حمّض قلبي ...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ