خليل المتبولي : تشويش رقم (6)

التصنيف: أقلام

2018-11-15 11:23 ص 573

كل مقال يعبّر عن رأي كاتبه، ولا يمثّل بأي شكل من الأشكال سياسة الموقع.

بقلم : خليل إبراهيم المتبولي

طارت

* مين ؟

- إلى أجلٍ غير مسمى

* مين ؟

- يللي بعلمك فيا

* مين هيي ؟

- يللي كل واحد عم يشد فيا من مذهبيتو

* من مذهبيتو ؟ ولَو ؟! معقوول ؟! شو هاي ؟

- هاي الحقيقة المرّة يا صديقي

* بس مفروض في حدا حاميها

- إيه مفروض ، بس هوي الحامي الله

* الحامي الله ، مش مختلفين ، بس ...

- خلص بشرفك ، طارت ، طارت بهالفترة

* لإيمتى يعني ؟

- مهضوم أنت بسؤالاتك

* آه والله ؟!

- إيه والله ...

***********************************************************

2 :

حاسّك رايق اليوم

* لا، مش رايق ، كيف بتشوف أنت ؟

- أنا شايفك رايق

* لا ، صديقي ، من برّا هَالله هَالله ، ومن جوا يعلم الله

- خير شوفي ؟ وشو هاي يللي بإيدك ؟

* متل ما شايف. وما عارف بأي ملعب بدي أرميها ؟

- أيّ ملعب ؟ بشو عم تلعبوا ؟

* بعقول الناس

- الله يعين الناس ، طالعة فيهم

* يمكن تكون طالعة فيهن ، بس المشكلة مش عارف بملعب مين بدي أرميها

- شو رأيك ترموها بملعب الناس ، وهني يحلّوها

* إذا رميناها بملعب الناس ، ببطِّل إلنا وجود

- إيه أحسن

* هيك رأيك ؟!

- إيه طبعًا ، بيرتاحوا من ملاعبكن

* شفت كييف ، مش رايق !

أخبار ذات صلة

أثر الأزمات الاقتصادية في الإيمان بالله

2026-10-14 10:34 ص 164

مصدر قضائي بارز لـ"الشرق الأوسط": الاعترافات الأولية للموقوفين تفيد بأن (ساجد) سلّم الشحنة

2026-10-12 10:46 ص 188

7 اكتوبر في الميزان.. (بقلم المحامي محي الدين ماهر حمود)

2026-10-08 10:23 م 258

المجهول أشعل الحريق… فمن المسؤول عن تكراره

2026-10-08 11:24 ص 251

برسم مجلس بلدية حجازي و عكرة و دندشلي...

2026-09-27 03:04 م 733

نتنياهو يخاطب العالم... والعالم يختار باب الخروج!..

2026-09-25 08:58 م 294

إعلانات متنوعة

صيدا نت على الفايسبوك

الوكالة الوطنية للاعلام

انقر على الزر أدناه لزيارة موقع وكالة الأنباء الوطنية:

زيارة الموقع الإلكتروني